Borgarfulltrúar Sjálfstæðisflokksins hafa fordæmt ummæli sem Ólafur Guðmundsson, varaborgarfulltrúi flokksins, lét falla undir frétt um skotárás sem gerð var að fjölskyldubíl Dags B. Eggertssonar borgarstjóra.

Frétt af mbl.is

„Hingað og ekki lengra“

Ólafur virtist vísa til þess að skotárásin væri afleiðing þess sem hampað hefði verið frá hinu „svokallaða Hruni“ árið 2008. Byltingin væri nú komin heim og borgarstjóri yrði bara að taka því.

Ummæli Ólafs. Þeim hefur nú verið eytt. Skjáskot/Twitter

Sorgleg og dapurleg ummæli

Hildur Björnsdóttir, borgarfulltrúi Sjálfstæðisflokks, segir á twittersíðu sinni að ummæli Ólafs séu dapurleg og að hún fordæmi þau, hafi leikið einhver vafi á því. Katrín Atladóttir, einnig borgarfulltrúi Sjálfstæðisflokksins, gerir hið sama og segir ummælin sorgleg. Enginn eigi að þola hótanir og árásir í opnu og frjálsu samfélagi.

Ólafur kveðst hafa gert mistök í samtali við mbl.is. Hann segist hafa sent borgarstjóra skilaboð til að biðja hann afsökunar.

„Þetta voru al­gjör mis­tök sem gerð voru í ein­hverju „bríeríi.“ Ég var að fara að sofa og var uppi í rúmi og datt þetta í hug þegar ég fór yfir umræðuna. En svo vaknaði ég í morg­un og las þetta aft­ur og sá að þetta var ekki við hæfi,“ seg­ir Ólaf­ur.

Frétt af mbl.is

Ætlar að biðja Dag afsökunar vegna færslu

Lögregla rannsakar nú umrædda árás, en í gær var greint frá því að skotið hafi verið á bíl Dags B. Eggertssonar borgarstjóra og fjölskyldu hans, að öllum líkindum á meðan hann stóð fyrir utan heimili þeirra.  

Tengdar fréttir

Skotið á bíl borgarstjóra og húsnæði stjórnmálaflokka

„Óhugnanlegt“ að heyra af skemmdarverkunum

• Skotmálið fellt niður
• Varaborgarfulltrúa hótað
• Skotmálið á borði ákærusviðs
• Neitar sök í skotmáli á bíl borgarstjóra

» Fleiri tengdar fréttir

• Blogga um frétt