26 alþingismenn hafa lagt fram beiðni til heilbrigðisráðherra um að unnin verði óháð skýrsla um það sem bjó að baki því að greiningu á leghálssýnum var útvistað til danska sjúkrahússins Hvidovre, í stað þess að Landspítalinn tækist verkið á hendur.

Þorbjörg Sigríður Gunnlaugsdóttir, þingmaður Viðreisnar, fer fyrir þingmannahópnum og hefur gagnrýnt stjórnvöld mjög fyrir þessa ákvörðun. Á Alþingi í dag sagði hún gagnrýni sérfræðinga hafa verið þunga, enda hefði ekki verið útskýrt hvers vegna Landspítalanum hefði ekki verið falið að greina sýnin eftir að verkefnið fór frá Krabbameinsfélaginu.

„Skimun varðar heilsu og líf kvenna,“ sagði Þorbjörg Sigríður. 

„Það er mikilvægt að traust ríki í garð heilbrigðiskerfisins og að sátt sé um fyrirkomulag heilbrigðisþjónustu. Þegar sérfræðingar kalla breytingarnar aðför að heilsu kvenna, þá ber Alþingi að hlusta,“ sagði Þorbjörg.

Frétt af mbl.is

„Við hefðum getað greint öll sýnin“

Fram kom í máli Karls G. Kristinssonar prófessors og yfirlæknis á veirufræðideild Landspítalans í Læknablaðinu að Landspítalinn hefði getað greint öll sýnin – án þess að nokkur vafi léki á gæðum framkvæmdarinnar.

Tengdar fréttir

Krabbameinsfélagið

71 milljón úthlutað til krabbameinsrannsókna

• Að eiga mömmu og pabba með krabba
• Krabbameinsfélagið kemur á fót notendaráði
• Látin aðeins 40 ára að aldri
• Greina sýni vegna leghálskrabbameins á Landspítala

» Fleiri tengdar fréttir

• Blogga um frétt