Faglæknar í fæðinga- og kvensjúkdómum fengu ekki fund með Landlækni, heilbrigðisráðherra eða vinnuhóps á vegum heilbrigðisráðuneytisins þegar óskað var eftir því, að því er fram kemur í viðtali við Aðalbjörgu Björgvinsdóttur, formann Félags íslenskra fæðinga- og kvensjúkdómalækna í Læknablaðinu. 

Frétt af mbl.is

Tókust á um skimanir fyrir krabbameini

Þar segir hún að hún hefði að óreyndu ekki trúað því að á þau yrði ekki hlustað þegar kæmi að ábendingum fæðinga- og kvensjúkdómalækna á annmörkum við greiningu leghálssýna í Danmörku. 

Aðalbjörg rekur í viðtalinu að félagið hafi sent ráðherra bréf í desember og aftur ásamt Félagi íslenskra rannsóknarlækna í janúar en ekki fengið nein viðbrögð. Opið bréf hafi einnig verið sent á ráðherra og segir Aðalbjörg að félagið hafi séð sig knúið til að benda á sinn málstað opinberlega þar sem ekki væri á þau hlustað. 

„Þetta veldur vonbrigðum með yfirvöld og hefur skapað vantraust á vinnubrögðum þeirra,“ er haft eftir Aðalbjörgu í Læknablaðinu. 

Þegar óskað var eftir fundi með landlækni hafi Alma Möller bent á að embættið væri eftirlitsaðili og vísaði á vinnuhóp á vegum heilbrigðisráðuneytisins. Sá hópur hafi þá þegar fundað með Læknafélagi Íslands.

Aðalbjörg tjáir áhyggjur sínar af mistökum í ferlinu við að færa skimanir til Danmerkur viðtalinu. 

Tengdar fréttir

Krabbameinsfélagið

71 milljón úthlutað til krabbameinsrannsókna

• Að eiga mömmu og pabba með krabba
• Krabbameinsfélagið kemur á fót notendaráði
• Látin aðeins 40 ára að aldri
• Greina sýni vegna leghálskrabbameins á Landspítala

» Fleiri tengdar fréttir

Leghálsskimanir

Þátttaka í skimun verði jafn góð og fyrir faraldur

• „Enginn sem steig á bremsuna“
• Skimunarherferð hafin í Kringlunni
• Meðaltími svara vegna leghálsskimunar 29 dagar
• Undirbýr að taka við greiningu leghálssýna

» Fleiri tengdar fréttir

• Blogga um frétt