Mikil umframeftirspurn hefur skapast í leigubílabransanum undanfarnar vikur samhliða því sem slakað hefur á samkomutakmörkunum og ferðaþjónustuiðnaðurinn tekið við sér á ný.

Er nú komin upp sú staða að á ákveðnum tímum sólahringsins þurfa viðskiptavinir að sætta sig við mun lengri biðtíma en gengur og gerist.

„Það vantar fleiri leigubíla til þess að þjónustan geti verið góð. Við gerum allt sem við getum. Bílstjórarnir eru að vinna langan vinnudag og eru ræstir út á morgnana en það bara dugar ekki til,“ segir Guðmundur Börkur Thorarensen, framkvæmdastjóri leigubílastöðvarinnar BSR.

Að sögn Guðmundar má rekja þessa þróun til þess að margir leigubílstjórar hafi lagt inn atvinnuleyfi sín í faraldrinum og séu nú búnir að snúa sér að öðru er kemur fram í Morgunblaðinu.

Hægt er að lesa nánari umfjöllun í Morgunblaði dagsins. 

Tengdar fréttir

Skortur á leigubílstjórum

Leigubílstjórar leggi niður störf í fyrramálið

• „Ákveðið neyðarástand á álagstímum“
• Fá aukna aðstoð frá keppinautum
• Leigubílaskortur auki hættu á ölvunarakstri
• 153 leyfi ekki í nýtingu

» Fleiri tengdar fréttir