Á öfugum vegarhelmingi á Bústaðavegi
Setja bókamerki
Síðustu daga og vikur hefur talsverð umræða sprottið upp vegna rafhlaupahjóla í umferðinni, en í tvö skipti hefur mbl.is fengið send myndbönd sem sýna akstur slíkra tækja á stofnbrautum á höfuðborgarsvæðinu á um og yfir 70 km/klst hraða.
Þá varð banaslys í síðustu viku þegar rafhlaupahjól og létt bifhjól rákust saman á gangstíg norðan gatnamóta Kringlumýrarbrautar og Sæbrautar. Ökumaður rafskútunnar lést og ökumaður bifhjólsins slasaðist alvarlega.
Slíkur hraðakstur er þó ekki eini glæfraaksturinn sem mbl.is hefur fengið sent myndskeið af. Þannig náðist úr mælaborðsmyndavél rétt fyrir miðnætti í gær myndband sem sýnir ungan rafhlaupahjólamann, sem er fyrir miðju myndar, fara upp Bústaðaveg frá Sprengisandi. Færir hann sig svo yfir á öfugan vegarhelming, þrátt fyrir að um einskonar blindhæð framundan sé að ræða.
Í öðru myndbandi sem mbl.is hefur undir höndum má sjá að sá sem er á rafskútunni fer alla leið upp að ljósunum og yfir þau á röngum vegarhelmingi.
Rétt er að taka fram að akstur rafhlaupahjóla er almennt bannaður á akvegum og á meira en 25 km/klst hraða. Þetta hafa bæði Þórhildur Elín Elínardóttir, upplýsingafulltrúi Samgöngustofu, og Árni Friðleifsson, aðalvarðstjóri hjá lögreglunni á höfuðborgarsvæðinu, ítrekað í samtölum við mbl.is að undanförnu.
Varnarmálaráðherra Ísraels rekinn
„Allir tilbúnir að hjálpa“
Altjón eftir að kviknaði í út frá rafmagni
Hvenær vitum við úrslitin?
Gera ráð fyrir 1,7 milljarða króna rekstrarafgangi
Sjá mikinn viðsnúning og ætla ekki að skerða þjónustu
Nágranninn fannst látinn við nærliggjandi skóla
/frimg/1/42/49/1424939.jpg)
Jarðskjálftahrina við Vífilsfell