Orka náttúrunnar hafði í dag betur í dómsmáli sem fyrirtækið höfðaði eftir að kærunefnd útboðsmála hafði ógilt útboð á svokölluðum hverfahleðslustöðvum fyrir rafmagnsbíla. Var það gert að kröfu Ísorku, samkeppnisaðila ON, sem taldi útboðið ekki hafa verið samkvæmt lögum. Þurfti ON í kjölfarið að slökkva á stöðvunum, en mun í kjölfar dómsins opna þær aftur í vikunni. Frá þessu greinir ON í tilkynningu.

Frétt af mbl.is

Slökkva á götuhleðslum í dag

Í dómi málsins kemur meðal annars fram að málsmeðferð kærunefndar útboðsmála hafi verið „verulegum annmörkum háð“. Kærunefndinni hafi borið að vísa málinu frá þar sem kröfur Ísorku hafi verið settar fram og seint og að samningsfjárhæð samningsins sem boðinn var út hafi ekki náð lágmarksviðmiði. Vegna þessa og með „tilliti til annarra annmarka á málsmeðferðinni“ féllst dómstóllinn því á að ógilda úrskurðinn.

Frétt af mbl.is

ON segir KNÚ byggja á „algjörlega óraunhæfu mati“

156 stöðvar víðs vegar um borgina

Um er að ræða 156 götuhleðslustöðvar sem eru staðsettar víðs vegar um borgina. Orka náttúrunnar þurfti að rjúfa straum á stöðvarnar 28. júní, en málið fékk í kjölfarið hraðmeðferð fyrir héraðsdómi.

Reykja­vík­ur­borg bauð út upp­setn­ingu og rekst­ur götu­hleðslna og tók til­boði frá ON sem bauð lægst í verk­efnið. Úrsk­urðar­nefnd útboðsmá­la komst síðan að þeirri niður­stöðu eft­ir kæru Ísorku að Reykja­vík­ur­borg hefði átt að bjóða verkið út á Evr­ópska efna­hags­svæðinu. Ekki var tekið und­ir önn­ur sjón­ar­mið Ísorku sem þó voru fjöl­mörg. Samkvæmt niðurstöðu úrskurðarnefndarinnar var ON hvorki heimilt að taka gjald fyrir afnot af götuhleðslum né að sérmerkja bílastæðin sem þær standa við.

Tengdar fréttir

Rafbílar og hleðslustöðvar

Gefur stjórnvöldum falleinkunn

• Polestar 3 mun kosta um 13 milljónir
• Segir umræðuna þurfa að ganga lengra
• Ríkið verði að leggja ný gjöld á bíla
• ON segir KNÚ byggja á „algjörlega óraunhæfu mati“

» Fleiri tengdar fréttir

• Blogga um frétt