„Gott að nefndin taki þetta fyrir“
Setja bókamerki
„Úr því sem komið er þá held ég að það sé bara gott að nefndin taki þetta fyrir,“ segir Ásgeir Jónsson seðlabankastjóri í samtali við mbl.is um niðurstöðu siðanefndar Háskóla Íslands að taka fyrir ásökun Bergsveins Birgissonar um ritstuld.
Ásgeir segir siðanefnd hafa sent sér bréf og óskað eftir hans hlið að málinu. Hann segist rétt vera byrjaður á vinnu við að útskýra sína hlið. Þá sé hann einnig vera byrjaður á að lesa bók Bergsveins Leitin að svarta víkingnum.
Inntur eftir viðbrögðum er kemur að bók Bergsveins segist Ásgeir ítreka að um sé að ræða gjörólíkar bækur með ólíkar niðurstöður. „Ég held að allir sem hafa lesið bókina sjá það,“ segir Ásgeir en bókin Eyjan hans Ingólfs kom út fyrir stuttu.
Ekki fræðirit heldur bók fyrir almenning
Spurður hvort hann geri athugasemd við það að siðanefnd HÍ taki fyrir málið þegar hvorki Ásgeir né Bergsveinn starfa fyrir skólann segir Ásgeir það vera athyglisverða spurningu en ekki vilja tjá sig um það að öðru leyti. Hann ítrekar að bók hans sé ekki hugsuð sem fræðirit heldur bók fyrir almenning.
Skúli Skúlason, formaður siðanefndar, sagði í viðtali við Morgunblaðið í dag að meðal þess sem nefndin myndi leggja mat á í dag er hvort Ásgeir heyri enn undir háskólann.
Ásgeir starfaði við hagfræðideild Háskóla Íslands frá árinu 2004 og var þar deildarforseti frá árinu 2015. Hann tók við embætti seðlabankastjóra 20. ágúst 2019.
Viðurkennd kenning
Meðal þess sem deilt er um er kenning um rostungaveiði á Íslandi á landnámsöld.
„Ég taldi að hér væri um viðurkennda kenningu að ræða sem margir hafa sett fram áður og því kenning sem engin ætti í raun og veru. Ég var með bókinni alls ekki að lýsa yfir eignarhlut á þeirri kenningu með einum eða neinum hætti.“
Beitti piparúða og kylfu – Tveir á slysadeild
Flugvél Icelandair til Glasgow snúið við
Erum komin í öruggt skjól í Sunnusmára
Aldrei fleiri dósir í endurvinnslu
Samþykkt kaup á fasteignum að virði 52 milljarða
Rannsókn miðar vel
Aflýsir öllum ferðum og sendir liðsauka