Ríkislögreglustjóri í samráði við alla lögreglustjóra á landinu hefur ákveðið að lýsa yfir hættustigi almannavarna frá miðnætti í kvöld vegna veðurs.

Þetta kemur fram í tilkynningu.

Frétt af mbl.is

Rauð viðvörun gefin út

Þar segir að mikill viðbúnaður sé vegna óveðursins sem fram undan er út um allt land. Spáð er suðaustan roki eða ofsaveðri, 23-30 m/s með snjókomu og skafrenningi en slyddu næst sjávarsíðunni. Hvassast í efri byggðum höfuðborgarsvæðisins og á Kjalarnesi.

„Í dag funduðu Almannavarnir aftur með sérfræðingum Veðurstofunnar, viðbragðsaðilum, ábyrgðaraðilum raforku, fjarskipta og samgangna. Einnig voru á fundinum fulltrúar úr aðgerðastjórnun almannavarna um land allt.  Eins og í gær var farið yfir veðurspár og til hvaða viðbúnaðar þarf að grípa þegar óveðrið skellur á.“

Miklar líkur eru á foktjóni og ófærð innan hverfa. Fólk er hvatt til þess að ganga vel frá lausum munum og verktakar beðnir að ganga vel frá framkvæmdasvæðum.

Frétt af mbl.is

Vegagerðin undirbýr lokanir á vegum

Vegagerðin hefur ákveðið að loka vegum vegna veðursins, hægt er að fylgjast með lokunum á heimasíðu Vegagerðarinnar.

Frétt af mbl.is

Fella niður skólahald á morgun

Foreldrar eru beðnir að fylgjast með hvernig skólahaldi verður háttað, nú þegar hafa einhverjir skólar ákveðið að hafa lokað á morgun.  

„Almannavarnir halda áfram að fylgjast vel með og miðla upplýsingum til fjölmiðla um stöðuna í öllum landshlutum,“ segir í tilkynningunni.

Tengdar fréttir

Óveður í febrúar

„Ófremdarástand sem kemur niður á öllum“

• Gul viðvörun í allan dag
• Eitt erfiðasta vatnsárið í sögu Landsvirkjunar
• Þyrlan kölluð út vegna ferðamanna á Vatnajökli
• Kobbi Láka úr þjónustu eftir að hafa sokkið

» Fleiri tengdar fréttir

• Blogga um frétt