Um 78 starfsmenn Landspítala gista þar í nótt vegna hinnar rauðu viðvör­unnar sem tek­ur gildi klukk­an 4 í nótt á höfuðborg­ar­svæðinu, Suður­landi og Faxa­flóa.

Þetta segir Guðlaug Rakel Guðjónsdóttir, starfandi forstjóri Landspítala, í samtali við mbl.is.

Frétt af mbl.is

Miklar truflanir á starfsemi Landspítala

Taka rúm úr geymslum

Einungis er um að ræða það allra nauðsynlegasta starfsfólk sem þarf til að halda spítalanum á floti. Búist er við að aðrir starfsmenn komi til vinnu um tíuleytið.

„Við erum búin að vera undirbúa spítalann fyrir þessa rekstrarógn sem að við blasir. Þeir starfsmenn sem þurfa nauðsynlega að vera í húsi gista hér í nótt. Við höfum verið að taka rúm út úr geymslum og svo notum við dagdeildirnar,“ segir Guðlaug Rakel.

Þá biðlar Guðlaug til almennings um að vera ekki mikið á ferli fyrr en fer lægja.

Tengdar fréttir

Óveður í febrúar

„Ófremdarástand sem kemur niður á öllum“

• Gul viðvörun í allan dag
• Eitt erfiðasta vatnsárið í sögu Landsvirkjunar
• Þyrlan kölluð út vegna ferðamanna á Vatnajökli
• Kobbi Láka úr þjónustu eftir að hafa sokkið

» Fleiri tengdar fréttir

• Blogga um frétt