Ríkislögreglustjóri, í samráði við lögreglustjóra á landinu, hefur ákveðið að fara af hættustigi almannavarna, sem sett var á vegna óveðurs.

Hættustigi var lýst yfir á miðnætti í gærkvöldi þegar ljóst var að veðurspá Veðurstofu Íslands sýndi ofsaveður um allt land og mikil hætta var á foktjóni og ófærð.

Í tilkynningu frá almannavörnum segir að veðurspáin hafi gengið eftir, en fyrsta útkall kom til björgunarsveitanna um klukkan tuttugu mínútur yfir þrjú í nótt. Síðan hafa björgunarsveitir um land allt sinnt rúmlega 145 verkefnum.

Veðrið gekk svo hratt niður í morgun, en m.a. var ákveðið að hefja starf leikskóla og frístundaheimila klukkan 13 í dag, en í gær hafði því öllu verið aflýst. Þá kom jafnframt fram hjá lögreglunni í morgun að færðin væri betri en áætlað hafi verið, en það var meðal annars vegna þess að hitastig var nokkrum gráðum hærra en áætlað hafði verið.

Tengdar fréttir

Óveður í febrúar

„Ófremdarástand sem kemur niður á öllum“

• Gul viðvörun í allan dag
• Eitt erfiðasta vatnsárið í sögu Landsvirkjunar
• Þyrlan kölluð út vegna ferðamanna á Vatnajökli
• Kobbi Láka úr þjónustu eftir að hafa sokkið

» Fleiri tengdar fréttir

• Blogga um frétt