Þrátt fyrir slæmt veður á Austurlandi hafa engin útköll borist viðbragðsaðilum enn sem komið er. Þetta kemur fram í tilkynningu frá Lögreglunni á Austurlandi.

Þar segir að veður sé heldur að versna og færð á vegum að spillast.

„Íbúar eru því hvattir sem fyrr til að vera ekki á ferðinni, hvort heldur innanbæjar eða utan. Veður mun að líkindum ganga niður um hádegisbilið. Um leið og þess verður kostur mun þá farið í að moka vegi og hreinsa götur af krafti,“ segir í tilkynningunni og áréttað að hreinsunarstarf muni ganga hraðar fyrir sig ef engir bílar eru fastir á vegum. 

Þá fylgir sögunni að staðan verði tekin að nýju um hádegi.

Mesti vindurinn mælist nú á Vatnsskarði eystra, en þar eru 44 m/s í vind og í kviðum mælist 55 m/s. Kort/Vegagerðin

Tengdar fréttir

Óveður í febrúar

„Ófremdarástand sem kemur niður á öllum“

• Gul viðvörun í allan dag
• Eitt erfiðasta vatnsárið í sögu Landsvirkjunar
• Þyrlan kölluð út vegna ferðamanna á Vatnajökli
• Kobbi Láka úr þjónustu eftir að hafa sokkið

» Fleiri tengdar fréttir

• Blogga um frétt