Kennsl hafa verið borin á lík fjögurra karlmanna sem létust í Þingvallavatni á fimmtudaginn í síðustu viku, er flugvél sem þeir voru um borð í fórst. Björgunarliði tókst að ná líkum þeirra allra upp úr vatninu í gær.

Líkin voru flutt til Reykjavíkur og komið þar fyrir í kapellu þar sem aðstandendur komu og báru kennsl á sitt fólk og áttu stund með þeim. Í framhaldi af því voru líkin flutt til krufningar. Þetta kemur fram í tilkynningu frá lögreglu.

Frétt af mbl.is

Aðgerðir við Ölfusvatnsvík gengið vonum framar

Tekin var ákvörðun um að nota fjarstýrðan kafbát til að færa líkin upp til móts við kafara í gær og gengu þær aðgerðir afar vel. Í tilkynningu frá lögreglu segir að ætlunin hafi verið að kafarar byggju um líkin á botninum til að tryggja að allir þeir munir sem væru á þeim væru tryggðir, og lyfta þeim svo upp. En við þær aðstæður sem voru á vettvangi í gær og þá stöðu að þurfa að vera með báta á vatninu til að halda því opnu, þótti ekki rétt að eyða dýrmætum tíma í það.

Eftir skoðun í gærkvöldi virðist það ekki hafa haft áhrif á mikilvæga þætti við öflun gagna, að segir í tilkynningunni. Aðgerðum á vatninu lauk um kvöldmatarleitið í gær. 

Frétt af mbl.is

Kafbátur með griparm sækir hina látnu

Tengdar fréttir

Flugslys við Þingvallavatn

Segja ekkert komið fram sem sanni sök flugmannsins

• Yfir 20 þúsund símtöl verða að engu
• Mannlegir þættir orsakavaldur flugslyssins á Þingvallavatni
• Á rétt á upplýsingum um flugmann vélar sem fórst
• Farþegi hringdi á Neyðarlínuna er slysið varð

» Fleiri tengdar fréttir

• Blogga um frétt