Ekki hafa borist nýlegar tilkynningar um snjóflóð á landi. Þetta segir Sigurdís Björg Jónasdóttir, snjóflóðasérfræðingur hjá Veðurstofu Íslands.

Appelsínugular snjóflóðaviðvaranir eru í gildi á Austfjörðum, Vestfjörðum og suðvesturhorninu.

Sigurdís biðlar til allra þeirra sem ætla að fjöll að kanna aðstæður vel og vera með réttan búnað. Aðspurð segir Sigurdís að byggðarlög séu ekki í hættu.

„Mesta hættan er að fólk sem er á snjósleðum og fjallaskíðum setji af stað snjóflóð,“ segir Sigurdís og bætir því við að um síðustu helgi hafi verið talsvert um snjóflóð á suðvesturhorninu af mannavöldum.

Mynd úr safni.

Landslagsgildrur stórhættulegar

Veikt snjólag fannst í snjógryfju við Mikladal við Patreksfjörð í gær og er fólk á Vestfjörðum hvatt til þess að fara sérstaklega varlega.

„Fólk þarf að passa að vera ekki á stöðum þar sem geta myndast svona landslagsgildrur, þá getur snjór hrannast upp í botni dala og gilja og það getur verið alveg stórhættulegt.“

Veðrið verður ekki skemmtilegt um helgina að sögn Sigurdísar og má búast við hvassri austan átt með éljagangi.

Frétt af mbl.is

Snjóflóðahætta í Esju og víðar

Tengdar fréttir

Óveður í febrúar

„Ófremdarástand sem kemur niður á öllum“

• Gul viðvörun í allan dag
• Eitt erfiðasta vatnsárið í sögu Landsvirkjunar
• Þyrlan kölluð út vegna ferðamanna á Vatnajökli
• Kobbi Láka úr þjónustu eftir að hafa sokkið

» Fleiri tengdar fréttir

• Blogga um frétt