Veðrið hefur verið að gera fólki lífið leitt á höfuðborgarsvæðinu í dag, ekki síst ökumönnum, og mun það halda áfram að gera það. Þetta kemur fram í tilkynningu frá lögreglunni á höfuðborgarsvæðinu.

Frétt af mbl.is

Verið að losa fasta bíla á Grindavíkurvegi

Færðin er víða erfið, sérstaklega í efri byggðum, en spáð er áframhaldandi skafrenningi. Margir ökumenn hafa setið fastir og hafa viðbragðsaðilar haft í nægu að snúast. Þá hafa allnokkrir árekstrar verið tilkynntir lögreglu það sem af er degi.

„Í svona veðri og færð er einfaldlega best að halda sig heima og hafa það notalegt og ekki vera á ferðinni að nauðsynjalausu,“ segir í tilkynningunni.

Þá minnir lögreglan á að gul viðvörun vegna veðurs er í gildi á höfuðborgarsvæðinu allt til kl. 9 í fyrramálið og biðlar til fólks að fara varlega.

Tengdar fréttir

Óveður í febrúar

„Ófremdarástand sem kemur niður á öllum“

• Gul viðvörun í allan dag
• Eitt erfiðasta vatnsárið í sögu Landsvirkjunar
• Þyrlan kölluð út vegna ferðamanna á Vatnajökli
• Kobbi Láka úr þjónustu eftir að hafa sokkið

» Fleiri tengdar fréttir

• Blogga um frétt