Læknirinn sem átti að fá stöðu grunaðs ásamt Paolo Macchiarini í plastbarkamálinu er ekki íslenskur. Þetta kemur fram í svari embætti saksóknara í Svíþjóð, Åklagarmyndigheten, við fyrirspurn mbl.is.

Fram kom í umfjöllun Dagens Medicin í dag að ónafngreindur evrópskur brjóstholsskurðlæknir var grunaður um að hafa átt aðild að grófu ofbeldi eða misþyrmingu í plastbarkamálinu og átti viðkomandi að fá stöðu grunaðs. Fallið var hins vegar frá þeirri vegferð í kjölfar þess að lögregla í heimalandi læknisins varð ekki við rannsóknarbeiðni sænskra yfirvalda.

Frétt af mbl.is

Annar læknir átti einnig að fá stöðu grunaðs

Komu að aðgerð fyrsta sjúklingsins

Tveir íslenskir læknar tengjast plastbarkamálinu sem leiddi til dauða fleiri sjúklinga eftir að græddur var í þá barki úr plasti. Tómas Guðbjartsson og Óskar Einarsson komu að aðgerð fyrsta sjúklingsins sem und­ir­gekk plast­barkaaðgerð Macchi­ar­ini á Karólínska sjúkra­hús­inu í Stokk­hólmi, And­emariam Tek­les­en­bet Beyene, en hann hafði verið til meðferðar á Land­spít­ala.

Í svari ákæruvaldsins í Svíþjóð við fyrirspurn mbl.is er brjóstholsskurðlæknirinn sem rætt er um í Dagens Medicin ekki íslenskur, eins og áður sagði.

Frétt af mbl.is

Tómas og Óskar nafngreindir í úrskurði

Tengdar fréttir

Plastbarkamálið

Munu höfða mál gegn ríkinu vegna plastbarkamálsins

• Ríkið hafnar bótagreiðslu vegna plastbarkamálsins
• Dómurinn staðfesti að betur hefði mátt fara
• Tómas í leyfi frá Landspítalanum
• Fleiri stofnunum gert að tjá sig um plastbarkamál

» Fleiri tengdar fréttir

• Blogga um frétt