„Þetta er venjuleg jarðskjálftahrina eins og hefur orðið þarna oft áður, en það er auðvitað alltaf jafn óþægilegt að upplifa það,“ segir Sigríður Magnea Óskarsdóttir, náttúruvársérfræðingur hjá Veðurstofu Íslands, í samtali við mbl.is.

Jarðskjálfti að stærð 4,1 reið yfir suðvestur af Kolbeinsey laust eftir klukkan sjö í kvöld. Á sömu mínútu mældist 3,6 stiga skjálfti suðaustur af Grímsey. Eru þetta tölur sem fram koma í óyfirförnum frumniðurstöðum Veðurstofi Íslands. 

Mbl.is greindi frá því fyrr í dag að varðskipið Þór myndi halda norður og standa vaktina við Grímsey, en síðan í gær hefur skjálftahrina riðið yfir á svæðinu og var óvissustigi almannavarna lýst yfir.

Frétt af mbl.is

Skjálftahrinan heldur áfram

Frétt af mbl.is

Lýsa yfir óvissustigi fyrir norðan

Klukkan hálf fimm í dag höfðu 2105 skjálftar riðið yfir frá miðnætti. Nokkrir skjálftar hafa mælst yfir stærð þrjá.

Að sögn Sigríðar má búast við því að jörð haldi áfram að skjálfa á næstu dögum.

Tengdar fréttir

Jarðskjálftahrina við Grímsey

Aflýsa óvissustigi vegna skjálftahrinu við Grímsey

• „Hrinan gæti aukist aftur en líka dáið alveg út“
• Nálgast bráðum 10 þúsund skjálfta
• Yrðu líklega vör við eldgos nálægt Grímsey
• Upptökin á eldvirku svæði

» Fleiri tengdar fréttir

• Blogga um frétt