Aðstæður núna eru fólki og fyrirtækjum hér í Eyjum ekki bjóðandi, segir Íris Róbertsdóttir, bæjarstjóri í Vestmannaeyjum. Verulegar raskanir hafa síðustu daga verið á ferjusiglingum milli lands og Eyja og áætlun ekki staðist. Herjólfur IV er nú í slipp í Hafnarfirði og verður í minnst þrjár vikur.

Herjólfur III, sem alla jafna er í útleigu í Færeyjum, er nú í Eyjum. Það skip ristir dýpra en Herjólfur hinn nýrri og því hefur síðustu daga ekki alltaf verið fært í Landeyjahöfn vegna ónógs dýpis eða ölduhæðar. Skipið sigldi því í gær t.d. til Þorlákshafnar frá Eyjum og fór tvær ferðir. Til samanburðar fer nýi Herjólfur sjö ferðir í Landeyjahöfn á dag.

Nánar er fjallað um málið í Morgunblaðinu í dag.

Tengdar fréttir

Herjólfur

Gamli Herjólfur rétt ókominn til Eyja frá Færeyjum

• Herjólfur fer í slipp og sá gamli mun taka við
• „Mjög alvarleg bilun“
• Nýr samningur gerður um Herjólf
• Telur aðbúnað við Herjólf vítaverðan

» Fleiri tengdar fréttir