Veitur áætla að endurnýjun á stórri kaldavatnslögn sem fór í sundur í Hvassaleiti í september í fyrra muni kosta um 350 milljónir. Þetta kemur fram í fjárfestingaáætlun félagsins, en farið var yfir nokkur stærri verkefni ársins á Útboðsþingi Samtaka iðnaðarins í vikunni.

Frétt af mbl.is

Vatn flæddi inn í kjallara, bílskúra og bíla

Lagnabilið sem verður endurnýjað á árinu er um 700 metra langt og nær frá Háaleitisbraut að Kringlumýrarbraut. Jafnframt verður framkvæmdin nýtt til þess að fóðra fráveitulögn á sama kafla. Áætla Veitur að framkvæmdin muni taka lungann úr árinu þar sem um mjög umfangsmikla framkvæmd er að ræða. Unnið verði að því hörðum höndum að koma lögninni aftur í rekstur fyrir næsta vetur.

Lögnin er 80 cm kaldavatnslögn og þegar hún fór í sundur flæddi vatn um nærliggjandi svæði og meðal annars inn í nærliggjandi bílskúra. Þurfti tryggingafélag Veitna meðal annars að greiða tugi milljóna í bætur vegna tjóns á bifreiðum og innanstokksmunum.

Frétt af mbl.is

Ekki flotið sofandi að feigðarósi

Í ársfjórðungsuppgjöri Orkuveitunnar í fyrra kom fram að líklegt væri að nokkrar samverkandi ástæður væru fyrir því að lögnin gaf sig. Seg­ir þar að lík­leg­ast sé að or­sak­ir fyr­ir rof­inu séu ófull­nægj­andi efn­is­gæði í röri eða galli sem hafi komið fram í því. Einnig sé mögu­legt að breyt­ing­ar í um­hverfi hafi leitt til þess að lögn­in rofnaði og er til­tekið að jarðhrær­ing­ar sem hafa átt sér stað á Reykja­nesi und­an­farið gætu hafa átt þátt í að lögn­in fór í sund­ur. Hafnaði fyrirtækið hins vegar alveg að um mistök eða vanrækslu væri að ræða.

Talsvert tjón varð eftir að vatnslögn gaf sig við Hvassaleiti. mbl.is/Kristinn Magnússon

Tengdar fréttir

Kaldavatnslögn fór í sundur í Hvassaleiti

Mögulega voru jarðskjálftar orsökin

• 38 tjónstilkynningar vegna flóðsins í Hvassaleiti
• Skoða hvort endurnýja þurfi alla lögnina
• „Þessi er ein af þeim stærri“
• Utanaðkomandi kraftar líklega að verki

» Fleiri tengdar fréttir

• Blogga um frétt