„Er það eitt­hvað til að hreykja sér af að hafa hringt á slökkviliðið á fimmta ári eft­ir að hafa horft aðgerðalaus á eld­inn í fjög­ur ár og kastað sprek­um á bálið,“ spurði Sig­mar Guðmunds­son, þingmaður Viðreisn­ar, sem gerði svarta skýrslu Rík­is­end­ur­skoðunar um stjórn­sýslu sjókvía­eld­is að um­tals­efni á Alþingi í dag. 

Hann benti á að 23 at­huga­semd­ir hefðu verið gerðar „marg­ar mjög al­var­leg­ar, um brota­lam­ir, aðgerðal­eysi, slæl­egt eft­ir­lit, lé­lega stjórn­sýslu og hags­muna­árekstra sem und­ir­strik­ar mjög ber­sýni­lega skort á póli­tískri sýn, skort á aðgerðum og for­ystu um eina mik­il­væg­ustu at­vinnu­grein okk­ar Íslend­inga, hið ört vax­andi fisk­eldi.“

Frétt af mbl.is

Veik­b­urða og brota­kennt eft­ir­lit með sjókvía­eldi

Sig­mar sagði að eitt af því sem Rík­is­end­ur­skoðun nefndi hefði verið samþjöpp­un eign­ar­halds og stefnu­laus upp­bygg­ing og nýt­ing svæða sem ynnu gegn því að auðlind­in skilaði há­marks­ávinn­ingi fyr­ir rík­is­sjóð hefði fest sig í sessi „án mik­ill­ar umræðu eða at­beina stjórn­valda“.

Stækk­ar stjórn­laust ár frá ári

„Þessi setn­ing frá ann­ars orðvör­um rík­is­end­ur­skoðanda er slá­andi. Hér hef­ur byggst upp heil at­vinnu­grein sem stækk­ar ár frá ári stjórn­laust, stund­um í óþökk nátt­úr­unn­ar, í gegnd­ar­lausu kapp­hlaupi um svæði nán­ast án eft­ir­lits eða eðli­legr­ar gjald­töku og án þess að stjórn­völd hafi haft mik­inn áhuga á umræðu eða hafi beitt sér fyr­ir því að lög og regl­ur mynduðu til­hlýðileg­an ramma um grein­ina sem skil­ar tug­um millj­arða í þjóðarbúið,“ sagði Sig­mar. 

Frétt af mbl.is

Virðist ekki standa steinn yfir steini

Óskað eft­ir skýrslu til að fletta ofan af eig­in van­getu

Hann benti á að í svör­um for­sæt­is­ráðherra, sem hafi stýrt rík­is­stjórn­inni í fimm ár, hafi það verið gert að aðal­atriði máls­ins að mat­vælaráðherra hefði óskað eft­ir um­ræddri skýrslu fyr­ir ári.

„Hvað með öll valda­ár­in frá 2018 þegar fisk­eldið óx úr 12.000 tonn­um í 45.000 tonn? Nú­ver­andi mat­vælaráðherra var um­hverf­is­ráðherra þá og um­hverf­is­ráðuneytið fær sinn skerf af at­huga­semd­um í skýrsl­unni og einnig und­ir­stofn­an­ir ráðuneyt­is­ins. Það var svo for­sæt­is­ráðherra sem verk­stýrði aðgerðal­eys­inu. Er hægt að verja margra ára stefnu­leysi og aðgerðal­eysi með því að óska eft­ir skýrslu til að fletta ofan af eig­in van­getu og van­hæfni? Er það eitt­hvað til að hreykja sér af að hafa hringt á slökkviliðið á fimmta ári eft­ir að hafa horft aðgerðalaus á eld­inn í fjög­ur ár og kastað sprek­um á bálið?“

Tengd­ar frétt­ir

Fisk­eldi

Nóg að gera í kera­smíðum fyr­ir land­eldi

• Hafa áhyggj­ur af lyfja­notk­un í eldi
• Banda­rík­in helstu kaup­end­ur ís­lensks lax
• Vilja auka eldið í Arnar­f­irði um 4.500 tonn
• Kald­vík ætl­ar að fram­leiða 21.500 tonn

» Fleiri tengd­ar frétt­ir

Fisk­eld­is­skýrsla rík­is­end­ur­koðunar

Móta stefnu um framtíð fisk­eld­is

• 61% mót­fall­in lax­eldi í opn­um sjókví­um
• Úttekt­in tæki­færi til að gera bet­ur
• Önnur gögn betri við mat á áhættu erfðablönd­un­ar
• Úttekt um sjókvía­eldi bæði of og van

» Fleiri tengd­ar frétt­ir

• Blogga um frétt