Eftir klukkan 15 á morgun fer fram atkvæðagreiðsla á Alþingi um heimild tveggja þingmanna, Björns Levís Gunnarssonar og Jóhanns Páls Jóhannssonar, til að leggja fram fyrirspurnir til forseta þingsins, en hann hefur synjað þeim um að leggja fyrirspurnirnar fram.

Málið snýst um Lindarhvolsmálið, framlagningu á vinnuskjali, sem ríkisendurendurskoðandi hefur hafnað því að lagt verði fram.

Frétt af mbl.is

Ekki að gagnrýna Sigurð

Fer fram án umræðu

Að sögn Birgis Ármannssonar, forseta Alþingis, byggir hann synjun sína á því að fyrirspurnirnar, sem þingmennirnir hafa óskað heimildar til að leggja fram, varði starfsemi ríkisendurskoðanda en ekki stjórnsýslu Alþingis. Heimildin til að beina fyrirspurnum til forseta takmarkist við stjórnsýslu á vegum þingsins sbr. 3. mgr. 8. gr. þingskapa, en skv. 2. mgr. 91. gr. sé skýrlega kveðið á um að starfsemi ríkisendurskoðanda falli ekki undir stjórnsýslu þingsins.

„Það væri því bersýnilega í andstöðu við ákvæði þingskapa að heimila framlagningu þessara fyrirspurna,“ segir Birgir.

Í 3. mgr. 8. gr. segir: Beina má fyrirspurnum til forseta á þingskjali og óska skriflegs svars um stjórnsýslu á vegum þingsins. Gilda þá ákvæði [57. gr.] 2) um meðferð fyrirspurna eins og við getur átt.

Síðan segir í 2. mgr. 91. gr.: Undir stjórnsýslu Alþingis fellur hvorki sú starfsemi sem fram fer af hálfu Alþingis sem fulltrúasamkomu þjóðkjörinna fulltrúa né starfsemi umboðsmanns Alþingis, ríkisendurskoðanda og rannsóknarnefnda samkvæmt lögum um rannsóknarnefndir.

Atkvæðagreiðslan mun fara fram án umræðu, en þingmenn munu við hana geta gert grein fyrir atkvæði sínu.

Tengdar fréttir

Lindarhvoll

Sýknudómur í Lindarhvolsmálinu stendur

• Telur ríkið hafa orðið af um 1,7 milljörðum króna
• Lindarhvolsskýrslan birt: „Ekki óeðlilegt í ljósi aðstæðna“
• „Vinnubrögð Sigurðar í málinu sæta furðu“
• Engin haldbær rök fyrir lögbroti

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: ÞURFA ÞINGMENN NÚ ORÐIÐ AÐ FÁ LEYFI TIL FYRIRSPURNA????????