„Í samráði við ráðuneytið gefum við því miður ekki neinar frekari upplýsingar um þessa nauðungarsölu,“ var svarið hjá lögfræðideild embættis sýslumanns Suðurnesja þegar mbl.is falaðist eftir viðtali við sýslumann um nauðungarsölumál sem vakið hefur mikla athygli síðasta sólarhringinn – pólskri fjölskyldu verður kastað út af heimili sínu á föstudag í kjölfar nauðungarsölu í september í fyrra.

Frétt af mbl.is

Fordæma nauðungarsölu á heimili öryrkja

Eins og RÚV fjallaði um seldi sýslumaður húsið langt undir markaðsverði og neitaði aukinheldur að tjá sig um málið, hvort tveggja við RÚV og nú einnig við mbl.is. Eins og fram kom í fréttum í gær hafði sonurinn í fjölskyldunni, Jakub Polkowski, keypt húsið gegn staðgreiðslu eftir að hann fékk bætur fyrir læknamistök. 

Hafði Jakub ekki greitt reikninga vegna heits vatns, trygginga eða fasteignagjöld í nokkurn tíma og höfðu þær skuldir safnast upp í vel á þriðju milljón samkvæmt umfjöllun RÚV. Var húsið að lokum sett á nauðungarsölu án þess að Jakub eða fjölskylda hans hefðu sig í frammi vegna ferlisins. Var það að lokum selt á þrjár milljónir, en samkvæmt sölumati sem RÚV sýndi var húsið metið á yfir 50 milljónir.

Tengdar fréttir

Nauðungarsala sýslumanns í Reykjanesbæ

Stefna ríkinu og kaupanda hússins í Reykjanesbæ

• Dómsmálaráðherra átti sig ekki á raunveruleikanum
• Útburði fjölskyldunnar frestað
• „Svoleiðis símtöl fáum við aldrei“
• Fordæma nauðungarsölu á heimili öryrkja

» Fleiri tengdar fréttir

• Blogga um frétt