Útburði fjölskyldunnar frestað
Setja bókamerki
Jakub Polkowski, ungur öryrki sem missti heimili sitt á nauðungaruppboði í Reykjanesbæ, fær að búa áfram í húsinu ásamt fjölskyldu sinni þar til honum verður fundið félagslegt húsnæði.
Rúv greinir frá því að nýir eigendur hússins hafi ákveðið að fresta útburðinum fram að verslunarmannahelgi. Til stóð að fjölskyldan yrði borin út á morgun.
Sýslumaðurinn á Suðurnesjum seldi húsið langt undir markaðsverði. Hafði Jakub ekki greitt reikninga vegna heits vatns, trygginga eða fasteignagjöld í nokkurn tíma og höfðu þær skuldir safnast upp í vel á þriðju milljón.
Húsið selt á þrjár milljónir
Var húsið að lokum selt á þrjár milljónir, en það er verðmetið á um 57 milljónir króna.
Friðjón Einarsson, formaður bæjarráðs Reykjanesbæjar, sagði við mbl.is í gær að bærinn myndi tryggja fjölskyldunni húsnæði.
„Við munum tryggja þeim húsnæði, við reynum að gera það alltaf og þau verða þá bara á kostnað sveitarfélagsins,“ sagði Friðjón í gær.
Braut gegn konum í Eyjum
Krabbameinsfélagið undirbýr mikilvæga rannsókn
Gegnum lykilhlutverki fyrir NATO
Ráðist á ferðamenn: „Það var blóð alls staðar“
Vantar fólk: „Þetta er gaman en það er ekki nóg“
„Okkur mun ekki bregða“
Óljóst hvort þyrlan sé fundin