Svandís Svavarsdóttir matvælaráðherra segir ráðstöfun þá sem hún greip til hvað varðar tíma­bundna stöðvun á veiðum langreyða vera óvenjulega vel undirbyggða.

Segist Svandís í samtali við mbl.is hafna skilningi Samtaka fyrirtækja í sjávarútvegi sem gagn­rýnt hafa mála­til­búnað ráðherra harðlega, telja reglu­gerðina ólög­mæta og að hún brjóti í bága við at­vinnu­frels­is- og eign­ar­rétt­ar­á­kvæði stjórn­ar­skrár.

Frétt af mbl.is

Ráðherra fór ekki að ráðgjöf

Svandís segir ráðstöfun sína afar vel undirbyggða af minnisblöðum og ráðgjöf innan ráðuneytisins. „Niðurstaðan er í beinu framhaldi af ráðgjöf ráðuneytisins.“

Hún segist aðspurð ekki telja gagnrýnina eiga neinn rétt á sér og ítrekar að staðan hafi verið metin í ráðuneytinu í kjölfar niðurstöðu fagráðsins.

„Þá metur ráðuneytið stöðuna og gerir til mín tillögu sem verður síðan grundvöllur minna ráðstafana,“ segir ráðherra.

Sinntir þú rannsóknarskyldu þinni og gættir meðalhófs í þessu máli?

„Það er þannig með þessa ráðstöfun sem þarna er gripið til að hún er óvenjulega vel undirbyggð,“ segir Svandís.

Tengdar fréttir

Hvalveiðar

„Þetta þarf að fara að gerast“

• Veiting hvalveiðileyfis ekki brot á EES-samningi
• Gefur ekkert upp um leyfi til hvalveiða
• Telur tvískinnung í umræðu um hvalveiðar
• Bíður eftir gögnum áður en hún tekur ákvörðun

» Fleiri tengdar fréttir

• 1 blogg um fréttina

Bloggað um fréttina

• Jónatan Karlsson: En nú er hún Snorrabúð stekkur.