Landið við eldstöðina Öskju hefur risið um 60 sentimetra frá því að landris tók fyrst að mælast þar í ágúst árið 2021.

Landris hefur verið stöðugt frá upphafi mælinga, að sögn Benedikts Gunnars Ófeigssonar, sérfræðings á sviði jarðskorpuhreyfinga hjá Veðurstofu Íslands, en land hefur risið um hátt í 30 sentimetra frá því í september í fyrra.

Aðspurður segir Benedikt að landrisið teljist þokkalega hratt.

„Þetta er ekkert óvenjulegt,“ segir hann og bætir við að ekki séu vísbendingar um að eitthvað sé yfirvofandi. Vel sé fylgst með þróuninni í og við Öskju.

Frétt af mbl.is

Land heldur áfram að rísa í Öskju

Getur haldið lengi áfram

„Það er kvikusöfnun þarna nokkuð örugglega, það getur haldið áfram lengi svona án þess að dragi til tíðinda.“

Miðja landrissins er undir vestanverðu Öskjuvatni. Ef sprengigos yrði í Öskju er ekki víst að það yrði stórt, að sögn Benedikts.

„Askja getur búið til ansi stór gos, en hún býr til miklu fleiri lítil.“

Tengdar fréttir

Askja

„Mögulega endar þetta með gosi“

• Hraðara landris mælist á ný
• Getur ekki endað með öðru en gosi
• Skjálftahrina í Öskju
• Ekki enn ljóst hvað veldur breytingum í Öskju

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Er Askja til í slaginn? Sauðárflugvöllur er það.