Ólafsfjarðarmálið til héraðssaksóknara
Setja bókamerki
Lögreglan á Norðurlandi eystra hefur lokið rannsókn á manndrápi sem átti sér stað á Ólafsfirði í október á síðasta ári. Málið hefur verið sent áfram til embættis héraðssaksóknara sem tekur ákvörðun um hvort ákært verði í málinu.
Þetta staðfestir Kolbrún Benediktsdóttir varahéraðssaksóknari í samtali við mbl.is.
Þrjú látin sæta gæsluvarðhaldi
Aðfaranótt 3. október var óskað eftir lögregluaðstoð að húsi á Ólafsfirði þar sem maður hafði verið stunginn með eggvopni. Maðurinn var úrskurðaður látinn á vettvangi eftir árangurslausar endurlífgunartilraunir og í kjölfarið voru fjórar manneskjur handteknar með réttarstöðu sakborninga í málinu.
Þrjú voru látin sæta gæsluvarðhaldi, eiginkona hins látna, vinur hennar og húsráðandi á staðnum. Öll höfðu þau hlotið dóma, ýmist fyrir ofbeldisbrot eða vörslu og smygl á fíkniefnum. Tveir sakborninganna voru látnir lausir á byrjunarstigi rannsóknar og sá grunaði í málinu einnig um einum mánuði síðar.
Vitnisburður stemmir ekki við gögn málsins
Við rannsókn málsins sviðsetti lögregla meðal annars atburðinn með hjálp sakborningsins en í gæsluvarðhaldsúrskurði yfir honum kom fram að gögn málsins bæru með sér að hinn látni hefði veist að hinum grunaða og stungið hann með hníf í andlit og læri.
Þá hafi hinn grunaði náð yfirhöndinni í átökunum og veitt hinum látna stungusár sem drógu hann til dauða.
Hinn grunaði hélt því fram að hinn látni hefði fallið á hnífinn í átökunum.
„Eðlilegt að málið fari í forgang“
Kolbrún segir ekki hægt að segja neitt til um hvenær ákvörðun liggi fyrir en að eðlilegt sé að málið fari í forgang.
„Við reynum auðvitað að flýta svona málum.“
Mennirnir í haldi lögreglunnar á Suðurnesjum
Vantar fólk: „Þetta er gaman en það er ekki nóg“
Segir forseta þingsins segja ósatt frá fundinum
Kærir teiknara Vísis til siðanefndar
Um 70 jarðskjálftar í kvikuganginum
Myndskeið: Hátt í 140 lömb á tveimur sólarhringum
Veita fyrirtækjum brú yfir óvissutímabil