Tómas í leyfi frá Landspítalanum
Setja bókamerki
Tómas Guðbjartsson, hjartaskurðlæknir á Landspítalanum, er kominn í leyfi frá störfum. Þetta herma heimildir Ríkisútvarpsins, sem greinir frá málinu.
Eru ástæðurnar sagðar tengjast plastbarkamálinu svokallaða.
Tómas kom að fyrstu aðgerðinni þar sem plastbarki var græddur í sjúkling að nafni Andemariam Beyene.
Birtist m.a. vísindagrein eftir lækninn um aðgerðina í tímaritinu Lancet árið 2011 en Beyene var sjúklingur Tómasar.
Lést eftir ígræðsluna
Beyene lést í kjölfar aðgerðarinnar og hefur Paolo Macchiarini, skurðlæknirinn sem framkvæmdi aðgerðirnar, verið dæmdur í fangelsi. Hann græddi plastbarka í þrjá sjúklinga og hlutu þau öll alvarlega fylgikvilla og létust.
Landspítalinn greindi frá því í desember að búið væri að beina erindi lögmanns ekkju Beyene, um skaðabætur, til ríkislögmanns.
Í umfjöllun Rúv segir að staða Tómasar og framtíð hans innan spítalans sé til skoðunar hjá stjórnendum stofnunarinnar. Telja nokkrir að Tómas þurfi að sæta ábyrgð fyrir sinn þátt í málinu.
Björgunarsveitarmaður á æfingu lést við Tungufljót
Gera ráð fyrir 1,7 milljarða króna rekstrarafgangi
Fer fram á sex og hálfs ára fangelsi yfir Jóni Inga
Sjá mikinn viðsnúning og ætla ekki að skerða þjónustu
/frimg/1/42/49/1424939.jpg)
Jarðskjálftahrina við Vífilsfell
Þungbært að missa félaga
/frimg/1/52/69/1526902.jpg)
Hvassviðri eða stormur seinnipartinn