Miðflokkur mun styðja boðaða vantrauststillögu
Setja bókamerki
Bergþór Ólason, þingmaður Miðflokksins, segir það blasa við að Miðflokkurinn muni styðja við boðaða vantrauststillögu Flokks fólksins á hendur Svandísar Svavarsdóttur matvælaráðherra.
Svandís tilkynnti fyrr í dag að hún myndi koma til baka úr veikindaleyfi á morgun.
Inga Sæland, formaður Flokks Fólksins, staðfesti í samtali við mbl.is að hún hygðist leggja fram vantrauststillöguna þegar þing kæmi saman í næstu viku, þann 8. apríl.
Ekkert breyst varðandi störf ráðherrans
„Það hefur ekkert breyst hvað embættisfærslur ráðherrans varðar. Auðvitað er ánægjulegt að vel hafi gengið með meðferð hennar og að hún sé að koma til baka, en hvað málefni ráðuneytisins varðar þá hefur ekkert breyst á þessum tíma.
Nú hefur Inga Sæland lýst því yfir að hún muni leggja fram vantrauststillögu á fyrsta degi eftir að þing kemur saman eftir páskahlé og þá finnst mér blasa við að við munum styðja við þá tillögu þegar hún kemur fram,“ segir Bergþór í samtali við mbl.is.
22. janúar lagði Inga fram samskonar vantrauststillögu en dró hana til baka eftir að Svandís tilkynnti skömmu seinna sama dag að hún hefði greinst með krabbamein og væri farin í veikindaleyfi að læknisráði. Var tillagan þá lögð fram vegna álits umboðsmanns Alþingis, sem segir að Svandís hafi með ólögmætum hætti sett á tímabundið hvalveiðibann í sumar.
Vill ekki „aumingjalegar“ lækkanir á röngum tíma
María Sigrún svarar Degi fullum hálsi
Spá launahækkunum nokkuð umfram kjarasamninga
Kerfið streitist á móti
Hættu við vopnasendingu til Ísraels
„Það er verið að slátra íslenskum heimilum“
Stýrivextir Seðlabankans óbreyttir
Þrefalt stærra en gosin í desember og janúar