Margar vísbendingar: Skoða upptökur úr Leifsstöð
Setja bókamerki
Leit lögreglunnar að mönnunum tveimur, sem stálu tugum milljóna króna úr verðmætaflutningabíl Öryggismiðstöðvarinnar í Hamraborg fyrir hálfum mánuði, hefur enn engan árangur borið.
Sömu sögu er að segja af Toyota Yaris-bifreiðinni sem þjófarnir voru á þegar þeir óku á brott úr Hamraborg. Hún er enn ófundin. Bifreiðin var með tvær mismunandi númeraplötur en báðum skráningarnúmerunum hafði verið stolið af öðrum ökutækjum.
Enginn handtekinn
„Málið er í fullri rannsókn. Það hefur enginn verið handtekinn og við erum enn að vinna úr þeim vísbendingum sem við höfum fengið,“ segir Þóra Jónasdóttir, stöðvarstjóri hjá lögreglunni í Kópavogi, í samtali við mbl.is.
Þóra segir að lögreglunni hafi borist þó nokkuð margar vísbendingar og að rannsóknardeildin sé að vinna í málinu en þjófarnir höfðu á brott með sér 20-30 milljónir króna sem voru í tveimur töskum í verðmætaflutningabílnum.
Meðal þess sem lögreglan hefur skoðað eru upptökur úr öryggismyndavélum, meðal annars í Leifsstöð.
„Öðruvísi hefði nafnið ekki farið á samninginn“
„Viðræðum miðar ágætlega áfram sem er jákvætt“
„Aðför að samfélaginu í heild sinni“
„Það er verið að slátra íslenskum heimilum“
Eina leiðin að sekta ökumenn
Spá launahækkunum nokkuð umfram kjarasamninga
Hættu við vopnasendingu til Ísraels
Sérkennilegt hjá borginni