Sameyki stéttarfélag í almannaþjónustu og samninganefnd þess ákvað á fundi sínum í dag að vísa viðræðum um endurnýjun kjarasamninga Sameykis og fjármála- og efnahagsráðherra fyrir hönd ríkissjóðs til ríkissáttasemjara.
Fram kemur í tilkynningu, að samningsaðilar hafi fundað í kjaradeilunni síðan í febrúar og telja fulltrúar samninganefndar Sameykis fullreynt að ná samkomulagi milli aðila án milligöngu ríkissáttasemjara.
Þá segir, að Sameyki hafi lagt fram kröfugerð í febrúar.
Félagsfólk sem samið verður fyrir telur um 4.500 sem starfa hjá ríkinu.