Rannsókn miðar vel í máli er varðar grun um alvarleg ofbeldisbrot í Reykholti í Biskupstungum í lok apríl.
Jón Gunnar Þórhallsson, yfirlögregluþjónn hjá lögreglunni á Suðurlandi, staðfestir þetta í samtali við mbl.is, en kveðst ekki geta farið nánar út í stöðu rannsóknarinnar.
Enginn er í gæsluvarðhaldi vegna málsins, en Landsréttur hafnaði kröfu lögreglunnar á Suðurlandi um áframhaldandi gæsluvarðhald vegna almannahagsmuna yfir pari sem liggur undir grun um frelsissviptingu, líkamsárás og fjárkúgun.
Maðurinn sem varð fyrir ofbeldinu er með maltneskt ríkisfang, en allir sem hafa legið undir grun í málinu eru íslenskir.