Landsréttur staðfesti í dag sýknudóm í máli félagsins Frigusar II ehf. gegn íslenska ríkinu og Lindarhvoli ehf. Vildi Frigus fá bætur vegna sölu á eignarhlut ríkisins í Klakka, en það var Lindarhvoll, félag í eigu ríkisins, sem sá um söluna.

Frigus II ehf. höfðaði mál á hend­ur Lind­ar­hvoli og ís­lenska rík­inu vegna sölu Lind­ar­hvols á hlut rík­is­ins í Klakka. Fór lögmaður Frigus­ar fram á rúm­lega 650 millj­óna bæt­ur í mál­inu ásamt vöxt­um frá því í apríl 2019. 

Voru kröfur Frigusar II ehf. reistar á því að verulegir annmarkar hefðu verið á söluferlinu sem leiddu til skaðabótaskyldu Lindarhvols og íslenska ríkisins.

Veittu öllum bjóðendum sömu upplýsingar

Komst Landsréttur að þeirri niðurstöðu að ekki yrði annað séð en að Lindarhvoll ehf. hefði veitt öllum bjóðendum sömu upplýsingar um þær eignir sem voru til sölu og um söluferlið.

Jafnframt hefði ekkert komið fram sem gæfi tilefni til að draga í efa að stjórn Lindarhvols ehf. hefði lagt mat á þau tilboð sem bárust og var röksemdum um að stjórnarmenn hefðu vanrækt rannsóknarskyldu sína hafnað.

Þá var ekki talið að Frigus II ehf. hefði fært önnur haldbær rök fyrir því að annmarkar hefðu verið á söluferlinu sem gætu leitt til bótaskyldu Lindarhvols ehf. og íslenska ríkisins. Var því staðfest niðurstaða héraðsdóms um sýknu þeirra.

Lindarhvol átti að selja eignir sem komu í hlut SÍ 

Lind­ar­hvol var fé­lag sem stofnað var af fjár­málaráðherra til að hafa um­sjón með þeim eign­um sem komu til rík­is­ins í gegn­um Seðlabanka Íslands í tengsl­um við stöðug­leik­fram­lög slita­búa bank­anna. Hafði fé­lagið svo um­sjón með sölu eign­anna. Ein þeirra eigna var hlut­ur rík­is­ins í Klakka, en hann var seld­ur árið 2016. Gert var sam­komu­lag við Stein­ar Þór Guðgeirs­son hjá Íslög­um um fram­kvæmda­stjórn með fé­lag­inu, en hann er jafn­framt verj­andi Lind­ar­hvols í mál­inu.

Frigus  II er  í eigu Ágústs og Lýðs Guðmunds­son­ar og Sig­urðar Val­týs­son­ar og var fé­lagið einn þriggja aðila sem lögðu fram kauptil­boð í eign­ina. Það gerði Frigus II ehf. í gegn­um Kviku banka sem gert hafði samn­ing um að miðla eign­inni til fé­lags­ins ef af kaup­un­um yrði. For­svars­menn Frigus II ehf. töldu sig hafa lagt fram hæsta til­boðið og þannig hefði fé­lagið verið hlunn­farið í sölu­ferl­inu þegar til­boði ann­ars fé­lags, BLM fjár­fest­inga ehf., var tekið. Höfðaði Frigus II ehf. skaðabóta­mál í kjöl­farið.

Umdeild úttekt ríkisendurskoðanda

Inn í málið flétt­ast út­tekt rík­is­end­ur­skoðanda á mál­efn­um Lind­ar­hvols og greinargerð sem lengi var á borði forseta Alþingis en ekki var vilji til að birta. Hún var hins vegar á endanum birt.

Var greinargerðin gerð af Sigurði Þórðarsyni, settum ríkisendurskoðanda í mál­efn­um Lind­ar­hvols vegna van­hæf­is þáver­andi rík­is­end­ur­skoðanda. Átti hann að vinna skýrslu að beiðni þings­ins um starf­semi Lind­ar­hvols.

Nokkru síðar var hins veg­ar Skúli Eggert Þórðar­son skipaður rík­is­end­ur­skoðandi og tók hann við mál­inu þar sem hann var ekki van­hæf­ur. Skilaði hann skýrslu árið 2020 þar sem eng­ar at­huga­semd­ir voru gerðar við störf stjórn­ar fé­lags­ins eða rekst­ur þess.

Frétt af mbl.is

Lindarhvolsskýrslan birt: „Ekki óeðlilegt í ljósi aðstæðna“

Tengdar fréttir

Lindarhvoll

Telur ríkið hafa orðið af um 1,7 milljörðum króna

• Lindarhvolsskýrslan birt: „Ekki óeðlilegt í ljósi aðstæðna“
• „Vinnubrögð Sigurðar í málinu sæta furðu“
• Engin haldbær rök fyrir lögbroti
• Ekki lagaheimild til að birta greinargerðina

» Fleiri tengdar fréttir

• Blogga um frétt