Þættirnir eru samstarfsverkefni RÚV og RTÉ á Írlandi. Athygli vekur að þættirnir eru teknir upp á ensku, þar með talin viðtöl við íslenska viðmælendur, en hægt er að nálgast þrjár útgáfur af þáttunum. Sú fyrsta er á ensku, önnur á ensku með íslenskum texta í spilara á vef RÚV og sú þriðja er svokölluð íslensk aðlögun sem útvarpað er á Rás 1. Þá útgáfu má finna undir útvarpsflipanum efst á vefsíðu RÚV.

Frétt af mbl.is

Engar frekari upplýsingar um hvarf Jóns borist

Anna Marsibil Clausen, dagskrárgerðarkona hjá RÚV, gerði þættina ásamt Liam O'Brien frá RTÉ. Hún segir að ákveðið hafi verið að taka öll viðtölin á ensku til að ná til eins breiðs hóps hlustenda og unnt er. Ekki sé hægt að taka viðtöl um svo viðkvæmt efni á tveimur tungumálum og ætlast til þess að viðmælendur segi það nákvæmlega sama.

„Samkvæmt lögum megum við ekki útvarpa á öðru tungumáli í útvarpinu og þar af leiðandi eru bara stuttar glefsur úr viðtölunum og bakgrunnslýsingar á ensku. Ég endursegi hins vegar allt efnislega. Við ákváðum að fara ekki þá leið að „döbba“ þættina enda er ofboðslega leiðinlegt að hlusta á slíkt. Ég held að íslenska útgáfan sé engu síðri þótt hún sé aðeins styttri en sú enska,“ segir Anna Marsibil.

Sem kunnugt er kom Jón Þröstur til Dyflinnar í febrúar fyrir sex árum og til stóð að hann myndi verja fríinu sínu í að spila póker og ferðast með konu sinni. Hann hvarf hins vegar sporlaust.

Lesa má meira um málið í Morgunblaðinu í dag

Tengdar fréttir

Jóns Þrastar leitað

Engar frekari upplýsingar um hvarf Jóns borist

• Leitin í garðinum hefur engan árangur borið
• Þriðji dagur leitarinnar að Jóni Þresti
• Lögreglan búin að girða af svæði
• Hundar og kafarar tekið þátt í leitinni

» Fleiri tengdar fréttir