Sigurður P. Sigmundsson skipar 1. sætið á framboðslista Bæjarlistans í Hafnarfirði fyrir bæjarstjórnarkosningarnar í vor.
Sigurður P. er hagfræðingur að mennt og með meistaranám í stjórnun og stefnumótun.
Fram kemur í tilkynningu frá framboðinu að Sigurður hafi víðtæka reynslu af sveitarstjórnarmálum og hefur átt sæti í skipulags- og byggingarráði Hafnarfjarðar síðastliðin fjögur ár.
Þá hafi Sigurður P. mikla reynslu af rekstri, stjórnsýsluúttektum, vinnumarkaðsmálum, áætlanagerð og félagsstörfum af ýmsu tagi.
Hann var afreksmaður í langhlaupum á yngri árum og átti m.a. Íslandsmetið í maraþonhlaupi í 30 ár og er einn þekktasti hlaupaþjálfari landsins.