Góða veðrið er vel nýtt og öll tæki úti á braut þegar vel viðrar.
Handtökin eru ansi mörg og tækin í takt við það. Rífa þarf upp gamalt malbik, slétta undirlag og leggja nýtt.
Mjög góð stemning er á vinnusvæðinu – sérstaklega þegar vel viðrar og malbikið er heitt.
Hlaðbær Colas tók í notkun nýjan matara sérstaklega fyrir verkið. Vörubílar sturta efni í matarann og hann sér svo um að malbikunarvélin fái ávallt réttan skammt af efni. Það er skoðun Isavia að notkun matarans eykur gæði malbiks og malbiksyfirborðs.
Malbikunarvélin mötuð.
Malbikunarstöð hefur verið reist innan flugvallarsvæðisins og sparar það mikinn tíma við efnisflutninga.
Malbikunarframkvæmdir á flugbrautum krefjast mikillar nákvæmni, allt frá því efnið er blandað í malbikunarstöðinni til stillinganna á útlagningarvélinni og þjöppun.
Norska fyrirtækið Veidekke Industri sér um alla sögun á gömlu malbiki.
ÍAV sér um að koma fyrir nýjum miðlínu- og snertiljósum að lokinni útlagningu malbiks.
Lagnavinnan er mjög umfangsmikil en u.þ.b. 150 kílómetrar af köplum verða lagðir.
Atli Björn Levy er annar verkefnastjóra Isavia yfir malbiksframkvæmdinni. Hann hugsar um lítið annað en malbik þessa dagana.
Þetta mastur hefur verið sett upp sunnan við austur-vestur flugbrautina. Mastrið inniheldur flugleiðsögubúnað (glide slope). Færslan gerir það að verkum að nú munu flugvélar á akstursbraut ekið nær flugbrautinni og beðið eftir heimild til flugtaks.
Akstursbraut sem er í notkun bæði fyrir flugvélar og efnisflutninga er vöktuð sérstaklega og sér starfsmaður Isavia til þess að engin óviðkomandi umferð fari út á akstursbrautina þegar hún er í notkun fyrir akstur flugvéla.
