„Ég er nokkuð viss um það að ef að dómarinn hefði verið sendur í skjáinn þá hefði þetta hæglega getað verið rautt spjald,“ sagði Eiður Smári Guðjohnsen í Vellinum á Símanum Sport þegar rætt var um stórleik Arsenal og Liverpool 9. umferð ensku úrvalsdeildarinnar í knattspyrnu í Lundúnum á sunnudaginn.
Leiknum lauk með 2:2-jafntefli en Virgil van Dijk var heppinn að vera ekki rekinn af velli snemma leiks að mati Eiðs Smára.
„Boltinn er löngu farinn og hann danglar í hann með löppinni,“ sagði Eiður Smári.
„Ég er sammála Eiði. Þetta jaðrar við rauðu spjaldi. Vel athugað!,“ sagði Margrét Lára meðal annars og tók undir með samstarfsmanni sínum í myndverinu.
https://www.mbl.is/sport/enski/2024/10/27/jafntefli_i_storleiknum/
