Það er ekki eins flókið og ætla mætti að elda dádýralundir en þær eru sífellt vinsælli hátíðamatur. Hér er ein einföld og góð uppskrift að dádýralundum.
- Dádýralundir
- Olía
- Salt
- Pipar
- Rósmarín
- Timían
- Hvítlaukur
Aðferð:
- Dádýralundirnar eru kryddaðar fyrst með salti og pipar og síðan steiktar á heitri pönnu með olíu.
- Eftir um það bil mínútu er þeim snúið við og smjöri, hvítlauk og timían bætt út á pönnuna og þetta steikt í eina mínútu í viðbót.
- Allt er sett í eldfast mót með smjöri og kryddjurtum og lundirnar kláraðar í ofni á 180°C í um það bil sjö mínútur.
- Lundirnar eru síðan látnar hvíla í fimm mínútur áður en þær eru skornar.
