Knattspyrnuunnendur geta nú lagt landsliðakeppnir til hliðar í bili og fylgst á ný með ensku knattspyrnunni um helgina eftir stutt hlé.
Andy Townsend, fyrrverandi landsliðsmaður Íra og nú sjónvarpsmaður, segir að leikur Tottenham og Manchester City á laugardag sé frábært próf fyrir Tottenhamliðið.
Fari svo að Tottenham vinni þá muni margir verða þeirrar skoðunar að liðið sé alvöru efni í meistaralið.
Manchester City hefur leikið nokkuð vel að mati Townsend en liðið hafi þó ekki náð að sýna sínar bestu hliðar ennþá.
Townsend hefur trú á Mourinho og spáir því að Tottenham muni vinna bikar undir hans stjórn. Hvort sem það verði á þessu tímabili eða síðar.
Leikur Tottenham og Manchester City í ensku úrvalsdeildinni fer fram á heimavelli Tottenham á laugardaginn klukkan 17:30 og verður í beinni útsendingu á Síminn Sport.