Trent Alexander-Arnold hélt að hann hefði komið Liverpool yfir gegn erkifjendunum í Manchester United í stórleik 3. umferðar ensku úrvalsdeildarinnar í fótbolta.
Alexander-Arnold setti boltann í markið á sjöttu mínútu og fagnaði með stæl. Hann kyssti myndavélina á Old Trafford, og hermdi þar með eftir goðsögninni Steven Gerrard.
Markið var síðan dæmt af vegna þess að Mohamed Salah var rangstæður í aðdragandanum.
Atvikið má sjá í spilaranum hér að ofan en mbl.is færir ykkur efni úr enska boltanum í samvinnu við Símann sport.
https://www.mbl.is/sport/enski/2024/09/01/man_united_liverpool_stadan_er_0_2/
