Liverpool hafði betur gegn Aston Villa, 2:0, í ensku úrvalsdeild karla í knattspyrnu í Liverpool í gær.
Mörk Liverpool voru svipuð en bæði komu eftir skyndisókn og frábæran sprett hjá Mohammed Salah. Hann var tekinn niður en náði samt að leggja upp fyrra mark liðsins sem Darwin Nunez skoraði og skoraði sjálfur seinna mark liðsins.
Mörkin og svipmyndir úr leiknum má sjá í spilaranum hér að ofan en mbl.is færir ykkur efni úr enska boltanum í samstarfi við Símann Sport.
