Sjáðu urriðaparið hrygna - Myndband

Stóri urriðinn er mættur í Öxará á Þingvöllum. Þar hefur löngum tíðkast að fara og fylgjast með ísaldarurriðanum undirbúa hrygningu og takast á um bestu svæðin og flottustu makana. Þórður Þórkelsson veiðimaður náði myndbandi af urriðapari að hrygna í vikunni. 

Myndbandið sýnir mjög vel hvernig parið fer að. Hrognin sjást í mölinni í skamma stund áður en hrygnan rótar yfir þau með öflugri sporðblöðkunni.

Þórður sem tók myndbandið sagði í samtali við Sporðaköst að sér hefði fundist magnað að sjá bæði hrognin og svilin. „Svilin eru eins og reykur umhverfis hrognin þar til straumurinn hefur tekið þau með sér. Þá fannst mér líka magnað að sjá að bæði hængurinn og hrygnan galopna munninn meðan að á frjóvguninni stendur,“ sagði Þórður.

En sjón er sögu ríkari.

• Blogga um frétt

Seinustu hundraðkallar sumarsins