Eftirrétturinn sem er tilbúinn á fimm mínútum
Ljósmynd/Berglind Hreiðars
Setja bókamerki
Það er ótrúlegt hvað það er einfalt en gott að grilla ávexti. Hér býður Berglind Hreiðars á Gotteri.is upp á einföld ávaxtaspjót sem tekur bókstaflega fimm mínútur að undirbúa. Síðan eru spjótin grilluð í tvær mínútur á hvorri hlið og eru þá tilbúin. Bragðast einstaklega vel með bræddu súkkulaði, þeyttum rjóma eða góðum ís.
Grilluð ávaxtaspjót með súkkulaði
Uppskrift dugar fyrir 5-6 spjót
- ½ ferskur ananas
- 3 ferskjur
- 15-20 Driscolls-jarðarber
- 50 g brætt dökkt súkkulaði
- 2 msk söxuð mynta
Aðferð:
- Skerið ananas og ferskjur í hæfilega stóra bita.
- Raðið ananas, ferskjum og jarðarberjum til skiptis upp á grillspjót.
- Grillið á meðalheitu grilli í um tvær mínútur á hvorri hlið.
- Raðið á bakka og setjið brætt súkkulaði yfir allt og saxaða myntu.
Ljósmynd/Berglind Hreiðarsdóttir
