Vinsæli fjölskyldurétturinn hennar Helenu
Ljósmynd/Helena Gunnars
Setja bókamerki
Þessi einfaldi en ljúffengi réttur hefur verið vinsæll í fjölskyldunni í mörg ár og eldaður jafnt sumar sem vetur. Best finnst mér að grilla hann en ef ekkert er grillið má vel stinga honum í ofn. Einstaklega fljótlegur og gríðarlega gómsætur.
Grillaður fiskréttur með Dala salatosti
4 skammtar
- 850 g fiskur, t.d. þorskur
- 2 stk. laukur
- 1 poki spínat
- 1 1⁄2 askja kirsuberjatómatar
- 1 stk. sítróna, skorin í sneiðar
- 1 krukka Dala salatostur í kryddolíu
- sítrónupipar
Aðferð:
- Skerið fiskinn í bita, laukinn í þunnar sneiðar og kirsuberjatómatana í tvennt.
- Setjið 2 msk. af kryddolíunni af salatostinum neðst í fat eða á álbakka sem má fara á grill, dreifið úr lauknum og setjið svo spínatið yfir.
- Leggið fiskinn í bitum yfir spínatið og kryddið vel yfir allt með sítrónupipar.
- Dreifið tómötunum í kringum fiskbitana, leggið eina sítrónusneið ofan á hvern fiskbita og hellið að lokum úr allri Dala salatostakrukkunni yfir allt saman.
- Kryddið aðeins yfir aftur með sítrónupipar.
- Eldið á meðalheitu grilli (180-200 gráður) í 12-15 mínútur með lokið á, eða þar til fiskurinn er eldaður í gegn.
Höfundur: Helena Gunnarsdóttir
