Kvöldmáltíðin sem sprengir alla skala
Ljósmynd/Berglind Hreiðarsdóttir
Setja bókamerki
Það er ákveðinn staðall sem við fylgjum til að úrskurða hovrt að máltíð sé vel heppnuð og það sem við skilgreinum sem yfirliðsvaldandi.
Þessi uppskrift úr smiðju Berglindar Heiðars á Gotteri.is fellur í þann flokk enda hefur hún allnokkuð margt til að bera. Hún er bragðgóð, nokkuð einföld, ekki of hefðbundin og meðlætið sprengir alla skala.
Ljósmynd/Berglind Hreiðarsdóttir
Spicy sætkartöflusalat og balsamik marinerað nautakjöt
Fyrir um 4 manns
Sætkartöflusalat uppskrift
- 700 g sætar kartöflur
- 50 g Hellmann‘s Chilli majónes
- 70 g Hellmann‘s klassískt majónes
- ½ rauðlaukur (saxaður)
- 1 tsk. saxað ferskt chilli
- 2 rifnir hvítlauksgeirar
- 1 msk. sætt sinnep
- Salt og pipar eftir smekk
- Ólífuolía
Aðferð:
- Hitið ofninn í 200°C.
- Flysjið kartöflurnar og skerið í munnstóra teninga. Veltið upp úr um 3 msk. af ólífuolíu og salti og pipar eftir smekk.
- Bakið í um 25 mínútur eða þar til kartöflubitarnir mýkjast, kælið síðan alveg niður áður en salatið er útbúið.
- Pískið saman báðar tegundir af majónesi ásamt sinnepi, chilli, hvítlauk, salti og pipar.
- Blandið síðan saman kartöflum, rauðlauk og majónesblöndu og berið fram með steikinni.
Balsamik marinerað ribeye
- 3-4 sneiðar ribeye
- 50 g ólífuolía
- 50 g balsamik edik
- 50 g soya sósa
- 40 g Worcestershire sósa
- 1 tsk. Dijon sinnep
- 2 rifin hvítlauksrif
- ½ tsk. salt
- ¼ tsk. pipar
- Hrærið öllu saman nema kjötinu.
- Hellið marineringunni yfir kjötið í skál eða setjið í zip-lock poka svo lögurinn umlyki allar steikurnar.
- Plastið og marinerið í um tvær klukkustundir.
- Grillið síðan á vel heitu grilli þar til kjarnhiti er um 58°C og leyfið þeim að hvíla í um 10 mínútur áður en þið skerið í þær.
Ljósmynd/Berglind Hreiðarsdóttir
