8 úrbeinaðar grísakótilettur
2 dl hveiti
2 egg
2 dl brauðrasp eða Panko
salt og pipar
olía (ekki ólífuolía)
Byrjið á að berja kótiletturnar með flötu hliðinni á buffhamri til að ná þeim þunnum. Kryddið báðar hliðar síðan með pipar og salti.

Setjið hveiti í eina skál, hrærð egg í aðra skál og brauðrasp í þriðju skálina. Veltið kótelettunum fyrst upp úr hveitinu, síðan egginu og að lokum brauðraspinum.

Hitið vel af olíu á pönnu, þannig að það sé um 1 cm lag yfir pönnunni. Steikið snitselinn í um 2-3 mínútur á hvorri hlið. Takið snitselinn af pönnunni og yfir á disk klæddan eldhúspappír. Berið strax fram með kartöflumús og sósu.