Möndlumjölsbotn:

3 msk. hörfræ, heil eða möluð
1 msk. psyllium husk-duft (en duftið gefur bestu áferðina)
4 bollar möndlumjöl
3 msk. ólífuolía/kókosolía
ögn af sjávarsalti

Hitið ofninn í 180°C. Hrærið hörfræ og psyllium husk út í ½ bolla af vatni og látið liggja í 10-15 mínútur (þetta virkar sem bindiefni fyrir botninn).

Sameinið öll innihaldsefni í stórri skál og hnoðið með höndunum þar til deigkúla myndast. Smyrjið 25 cm hringlaga bökunarform með olíu. Þrýstið deiginu ofan í það með fingrunum og látið það ná vel upp á hliðarnar. Forhitið botninn í ofninum í 20 mínútur.

Sætkartöflu- og spínatfylling:

1 hvítur laukur
1 msk. ólífuolía/kókosolía
1 stór sæt kartafla
4 bollar spínat (um 500 g)
1 ½ bolli kjúklingabaunir (um 400 g)
2 bollar næringarger (um 400 g)
1 tsk. basilíkukrydd
1 tsk. svartur pipar
½ tsk. salt

Skerið laukinn smátt og látið í stóran pott með olíunni. Skrælið sætu kartöfluna og skerið í litla munnbita (u.þ.b. ½ x ½ cm) og bætið út í pottinn. Eldið við miðlungshita í 30 mínútur eða þar til kartöflurnar verða mjúkar.

Bætið við kjúklingabaunum, spínati, næringargeri og kryddi ásamt ¼ bolla af vatni. Hrærið í u.þ.b. 5-7 mínútur og stappið lauslega. Látið krauma þar til spínatið er eldað og fyllingin orðin fallega gul.

Setjið fyllinguna á möndlubotninn og þekið vel. Bakið í 20 mínútur eða þar til bakan hefur fengið gullinn lit og berið fram með hvítlaukssósu.

Hæfilegt fyrir sex til átta.

Ljúf hvítlaukssósa

8 hvítlauksgeirar
1 bolli soðnar kjúklingabaunir
1 bolli ólífuolía
½ bolli safi kreistur úr sítrónu
½ tsk. paprikuduft
1 tsk. chilíduft
pipar og salt eftir smekk 

Léttsteikið hvítlauksgeirana á pönnu og setjið í matvinnsluvél eða blandara ásamt kjúklingabaununum sem búið er að skola. Hrærið þar til blandan er nánast kekkjalaus.

Bætið út í sítrónusafa, papriku- og chilídufti, pipar og salti. Hafið blandarann lágt stilltan og bætið olíunni hægt og rólega út í meðan hann vinnur. Geymið sósuna í kæli þar til hún er borin fram.

Hæfilegt með einni böku, u.þ.b. 2 bollar.