Matur | mbl | 9.10.2017 | 16:58

Steiktar fajita-kjúklingavefjur

Það er ekkert að þessu. mbl.is/Ljúfmeti og lekkerheit

Við elskum svona einfaldar uppskriftir sem virðast tikka í öll box hvað varðar gæði, bragð og huggulegheit. Þetta er hinn fullkomni réttur ef út í það er farið og passar vel á hvaða vikudegi sem er.

Það er hún Svava á Ljúfmeti og lekkerheit sem á þessa uppskrfit og eins og hennar er von og vísa er hún eitthvað sem við verðum að prófa.

Gómsætt og girnilegt. mbl.is/Ljúfmeti og lekkerheit

Steiktar fajita-kjúklingavefjur

1 kjúklingur (ég keypti tilbúinn grillaðan kjúkling)
1 poki fajitas-krydd
rauð paprika
græn paprika
laukur
kóriander (má sleppa)
sýrður rjómi eða ostasósa
ostur

Aðferð:

Rífið kjúklinginn niður og skerið paprikunar og laukinn í strimla. Steikið allt saman á pönnu og kryddið með fajitas-kryddi (notið allan pokann).
Smyrjið tortillaköku með um 3 msk. af sýrðum rjóma eða ostasósu, setjið um 1 dl af kjúklingablöndunni yfir (setjið hana í miðjuna á tortillakökunni) og stráið kóriander og rifnum osti yfir. Brjótið tortillukökuna saman þannig að lokist fyrir allar hliðar.
Hitið olíu á pönnu og steikið vefjurnar á báðum hliðum þar til þær eru orðnar stökkar.
Berið fram með meðlæti eins og t.d. nachos, salsa, salati, sýrðum rjóma, guacamole og/eða ostasósu.