Matur | mbl | 9.12.2017 | 19:05

Ómótstæðilegt texmex

mbl.is/aldberteldar.com

Það er fátt skemmtilegra en þegar Albert Eiríksson eldar nema þá ef vera skyldi þegar gestabloggararnir hans mæta á svæðið. Hér gefur að líta brauðrétt sem mun 100% slá í gegn í næsta boði enda erum við að tala um farsælan samruna hins íslenska brauðréttar og texmex en flestir elska góða mexíkóska bragðblöndu.

Í ofanálag er rétturinn merkilega auðveldur þannig að þetta er alslemma!

Texmex heitur réttur í ofni

250 gr. Texmex-smurostur
3 dl rjómi
1/2 teningur af kjúklingakrafti
Hitað saman í potti þangað til osturinn er uppleystur
9 brauðsneiðar í teningum settar í eldfast mót og ostasósan sett yfir þar ofan á
400 gr. skinka, brytjuð
100 gr. pepperóni, skorið
100 gr. rifinn ostur

Setjið skinku, pepperóni og loks rifinn ost yfir og bakið við 160°C í 15 mín.