Vinsælustu uppskriftir Svövu
Setja bókamerki
Tengdar fréttir
Uppskriftir
Svava á Ljúfmeti og lekkerheit er einn visælasti matarbloggari landsins og hefur stöðugt bæst í lesendahópinn frá því að hún byrjaði að blogga í stofusófanum árið 2012. Síðan fékk á dögunum veglega andlitslyftingu og ekki annað hægt en að dást að síðunni sem er í senn bæði sérlega innihaldsrík og falleg.
Svava tók á dögunum saman lista yfir vinsælustu uppskriftirnar sínar og þar kennir ýmissa ljúffengra grasa eins og við var að búast.
Við rákum augun sérstaklega í Mexíkó lasagnað hennar en eins og alþjóð veit þá er landinn sérlega hrifinn af mexíkóskum mat ef marka má vinsælustu frétt Matarvefjarins í fyrra.
Kjúklingur með sætum kartöflum, spínati og fetaosti
- 1 stór sæt kartafla
- 1 poki spínat
- 4-5 kjúklingabringur
- 1 krukka fetaostur
- 1 lítill rauðlaukur, skorinn fínt
- heilsutómatar eða konfekttómatar, skornir í bita
- furuhnetur
- balsamik gljái
Hitið ofninn í 180°. Skrælið sæta kartöflu og skerið í sneiðar eða sneiðið með ostaskera. Látið kartöflusneiðarnar í eldfast mót, setjið smá ólífuolíu yfir, saltið og piprið og setjið inn í ofn í 15 mínútur eða á meðan kjúklingurinn er undirbúinn.
Skerið kjúklingabringurnar í bita og steikið stutt (lokið þeim) á heitri pönnu. Kryddið eftir smekk (mér þykir t.d. gott að nota fajita-krydd).
Þegar kartöflurnar hafa verið í ofninum í 15 mínútur eru þær teknar út. Setjð spínat yfir sætu kartöflurnar og kjúklinginn yfir spínatið. Stráið tómötum og rauðlauk yfir og hellið að lokum fetaostinum ásamt olíunni yfir allt. Setjið í ofn og bakið í 30 mínútur.
Á meðan rétturinn er í ofninum eru furuhnetur ristaðar. Þegar rétturinn kemur úr ofninum er furuhnetunum stráð yfir og balsamik gljáa dreypt yfir.
Tengdar fréttir
Uppskriftir
Nauðsynlegt að áfrýja dómnum
Skallaði lögreglumann í andlitið
Bergur er fallinn
Elta kínverskt skip vegna rofs á sæstrengjum
„Gríðarlega jákvæðar fréttir“
Skiptir mestu máli að fjárlögin voru samþykkt
„Það þarf ekki að hækka skatta“
