Heilsusprengja læknisins: Kjúklingasúpa sem bragð er af

Heilsu­sprengja: Kjúk­lingasúpa frá Aust­ur­lönd­um fjær – með marg­lit­um gul­rót­um, nýrna­baun­um, lin­soðnum eggj­um og kúr­bít­snúðlum.

Fyr­ir sex

• 1 kjúk­ling­ur
• 1/​2 rauðlauk­ur
• 2 sítr­ónugras-stang­ir
• 5 cm engi­fer
• 3 hvít­lauksrif
• 4 vor­lauk­ar
• 1 rauður chili-pip­ar
• 6 kaff­ir-límónu­blöð
• 3 gul­ræt­ur (ein gul, ein app­el­sínu­gul og ein fjólu­blá)
• 1 kúr­bít­ur
• 2 lítr­ar vatn
• 1 ten­ing­ur kjúk­lingakraft­ur
• 50 ml soya-sósa
• 1 msk. hun­ang
• 1 dós nýrna­baun­ir
• 6 egg
• salt og pip­ar
• meðlæti
• saricha
• ai­oli
• gul­rótaræm­ur
• kórí­and­er
• rauður chili

Aðferð:

1. Byrjið á því að hluta kjúk­ling­inn niður í 12-16 bita, saltið og piprið og brúnið í heitri olíu þangað til kjúk­ling­ur­inn hef­ur tekið lit.
2. Sneiðið vor­lauk, sítr­ónugras, engi­fer, chili, hvít­lauk og takið til kaff­ir-límónu­lauf­in.
3. Hitið viðbótarol­íu í pönn­unni og mýkið græn­metið í nokkr­ar mín­út­ur. Bætið gul­rót­un­um sam­an við og steikið í tvær til þrjár mín­út­ur til viðbót­ar.
4. Hellið þá vatn­inu sam­an við, ásamt soya-sós­unni og hun­angi. Bætið við ten­ingi af kjúk­lingakrafti.
5. Sjóðið upp súp­una og látið krauma við lág­an hita í þrjú kortér.
6. Skerið svo kúr­bít­inn með þessu mandó­líns-apparati. Kennið apparat­inu um þegar það heppn­ast ekki nógu vel!
7. Bætið kúr­bítn­um sam­an við súp­una.
8. Skolið baun­irn­ar og bætið í súp­una. Sjóðið áfram í 10 mín­út­ur.
9. Lin­sjóðið egg í öðrum potti.
10. Und­ir­búið meðlætið – blandið mat­skeið af maj­ónesi sam­an við 1 te­skeið af sriracha-sósu. Hrærið vand­lega.
11. Skerið gul­rót í strimla með flysj­ara, chili í þunn­ar sneiðar og vor­lauk­stopp­ana í litla strimla.
12. Svo er bara að raða súp­unni sam­an; kjúk­ling í miðjuna, baun­ir og kúr­bít í kring, egg í helm­ing­um, sriracha aoili á topp­inn með gul­rótaræm­um, vor­lauk, chili og fullt af fersk­um kórí­and­er.
13. Þetta var, sko, fyr­ir lík­ama og sál.
14. Verði ykk­ur að góðu.