Matur | mbl | 18.6.2018 | 10:36 | Uppfært 11:03

Æðislegur lax með fetaosti og jarðarberjum

mbl.is/Linda Ben

Það er fátt betra á degi sem þessum en gómsætur lax sem við kjósum að kalla lúxuslax. Hér er um að ræða ákaflega skemmtilega bragðsamsetningu sem við hvetjum ykkur til að prófa - þó ekki væri nema bara til að lyfta ykkur aðeins upp. Jarðarber og fetaostur tóna hér skemmtilega saman og útkoman er alveg hreint frábær.

Það er meistari Linda Ben sem á þessa uppskrift en matarbloggið hennar má nálgast HÉR.

mbl.is/Linda Ben

Æðislegur lax með fetaosti og jarðarberjum

800 g lax
salt
sítrónupipar
½ krukka fetaostur
franskar baunir
10 jarðarber
1 stk. vorlaukur
safi úr ½ lime

Aðferð:

Kveikið á ofninum og stillið á 200ºC.
Skerið laxinn í bita og kryddið hann vel með salti og sítrónupipar eftir smekk. Setjið franskar baunir með í eldfasta mótið, kryddið þær líka örlítið.
Setjið fetaost yfir laxinn og frönsku baunirnar, bakið inni í ofni í um það bil 20 mín. eða þangað til laxinn er eldaður í gegn.
Á meðan laxinn er inni í ofninum útbúið þá jarðarberjasalsað með því að skera jarðarberin í bita og vorlaukinn smátt niður.
Blandið því saman í skál og kreistið hálfa lime yfir.